Polisi preifatrwydd Wythnos Hinsawdd Cymru
Mae Llywodraeth Cymru a Freshwater wedi ymrwymo i ddiogelu a pharchu eich preifatrwydd
Mae'r Polisi hwn yn egluro pryd a pham rydym yn casglu gwybodaeth bersonol am bobl sy’n ymweld â gwefan Wythnos Hinsawdd Cymru neu’n cymryd rhan yn ein digwyddiadau, sut rydym yn ei defnyddio, dan ba amodau y gallwn ei datgelu i eraill a sut rydym yn ei chadw'n ddiogel.
Rheolydd data
Llywodraeth Cymru yw'r Rheolydd Data a Freshwater (FW) yw'r Prosesydd Data ar gyfer y wybodaeth a gyflwynwyd drwy wefan Wythnos Hinsawdd Cymru, ynghyd ag unrhyw wybodaeth a rannwyd neu recordiadau a wnaed yn ystod rhaglen y digwyddiad cysylltiedig. Mae Llywodraeth Cymru ac FW wedi ymrwymo i ddiogelu hawliau unigolion yn unol â Rheoliad Cyffredinol ar Ddiogelu Data y DU (GDPR y DU). Gallwch gysylltu â Swyddog Diogelu Data Llywodraeth Cymru drwy anfon e-bost DataProtectionOfficer@gov.wales.
Mae gan Freshwater Swyddog Diogelu Data, ac mae modd cysylltu ag ef drwy e-bost ar Haydn.Evans@freshwater.co.uk
Gwefan digwyddiad Wythnos Hinsawdd Cymru
Cynhelir gwefan digwyddiad Wythnos Hinsawdd Cymru gan drydydd parti (Eventcase). Rheolir yr holl gynnwys ar y wefan ac ymholiad uniongyrchol a wneir drwy’r wefan gan Freshwater.
Pa wybodaeth ydyn ni'n ei chasglu amdanoch chi?
Gall y wybodaeth sydd ei hangen er mwyn cofrestru ar gyfer digwyddiad Llywodraeth Cymru gynnwys eich enw, cyfeiriad e-bost, rhif ffôn, lleoliad dewisol ac enw eich sefydliad (os yn berthnasol). Er mwyn cysylltu â chi ynglŷn â’r digwyddiad(au) yr ydych wedi cofrestru ar eu cyfer/wedi gwneud cais i’w cynnal fel rhan o’r Wythnos yn unig y byddwn yn defnyddio’r wybodaeth hon.
Sut bydd eich gwybodaeth yn cael ei defnyddio?
-
Gwneud y mwyaf o wefan digwyddiad Wythnos Hinsawdd Cymru.
-
Monitro lefelau cofrestriadau i’r digwyddiad(au).
-
Monitro pa sefydliadau sy’n defnyddio Pecyn Cymorth Hyrwyddol Wythnos Hinsawdd Cymru.
-
Os ydych yn cyflwyno cais am ddigwyddiad Sgyrsiau ynghylch yr Hinsawdd neu gais am sesiwn panel rhithwir, bydd y manylion yn cael eu hadolygu gan Freshwater a Llywodraeth Cymru er mwyn pennu addasrwydd y cais a bydd Freshwater yn cysylltu â chi am hyn.
-
Os byddwch yn llenwi arolwg Wythnos Hinsawdd Cymru, bydd y data ar gael i Lywodraeth Cymru iddyn nhw eu hadolygu.
-
Anfon negeseuon e-bost atgoffa ac e-bost arolwg wedi’r digwyddiad i bobl sydd wedi cofrestru ar gyfer digwyddiad Wythnos Hinsawdd Cymru. Os byddai’n well gennych beidio â derbyn y negeseuon e-bost atgoffa hyn, cysylltwch â walesclimateweek@freshwater.co.uk
Beth yw ein sail gyfreithiol dros brosesu eich data personol?
Mae prosesu data yn angenrheidiol ar gyfer perfformio tasg a gyflawnir er budd y cyhoedd. Mae’n rheidrwydd ar Lywodraeth Cymru dan Ddeddf Llesiant Cenedlaethau'r Dyfodol (Cymru) 2015 i fabwysiadu polisi cyfranogiad.
Pwy sy'n cael eich gwybodaeth?
Freshwater yw’r prif brosesydd data ar gyfer data a gasglwyd drwy wefan digwyddiad Wythnos Hinsawdd Cymru. Rydym hefyd yn defnyddio proseswyr trydydd parti ac felly efallai y byddwn yn rhannu eich gwybodaeth â nhw. Bydd prosesu’r wybodaeth hon yn unol â pholisi preifatrwydd y trydydd partïon. Mae'r proseswyr trydydd parti a ddefnyddiwn fel a ganlyn:
-
Bydd gan Lywodraeth Cymru, fel perchennog y prosiect, fynediad at yr holl ddata a gasglwyd ac a broseswyd fel rhan o’r prosiect hwn.
-
Eventscase ar gyfer cynnal platfform ar-lein Wythnos Hinsawdd Cymru, rheoli cofrestriadau gweminarau a gweithdai a recordio cynnwys yr ystafell sgwrsio. Meddalwedd rheoli digwyddiadau hollgynhwysol (eventscase.com)
-
Defnyddir Mandrilla/Mail Chimp fel is-brosesydd gan Eventscase ar gyfer gweinyddu negeseuon cyn ac ar ôl y digwyddiad. Cydymffurfiaeth â’r Rheoliad Cyffredinol ar Ddiogelu Data (GDPR): I gael caniatâd GDPR ar gyfer Marchnata | Mailchamp
-
Google Analytics i’n cynorthwyo wrth wella a manteisio i'r eithaf ar y wefan.
-
Defnyddir Smart Surveys i gasglu data ar gyfer cyflwyno rhaglenni a cheisiadau Sgyrsiau ynghylch yr Hinsawdd. Mae Smart Surveys yn cynnig ffordd ddiogel a chyfleus o gyflwyno data i ni. Mae eich defnydd o Smart Surveys yn ddarostyngedig i’n hamodau a thelerau a’u polisi preifatrwydd.
Am ba hyd caiff eich gwybodaeth ei chadw?
Byddwn yn cadw eich data dim hirach na sydd ei angen a hyd nes diwedd mis Chwefror 2025.
Beth yw eich hawliau unigol?
Mae gennych yr hawl i gael mynediad at eich gwybodaeth bersonol, i wrthwynebu prosesu eich gwybodaeth bersonol, i gywiro, dileu, cyfyngu ar a chludo data eich gwybodaeth bersonol. Os yw unigolion yn dewis rhyngweithio yn y sesiynau byw, naill ai drwy fideo neu nodwedd sgwrs, maent yn rhoi eu caniatâd i recordiadau gael eu cadw ar gyfer ein cofnodion ac at ddibenion cyflawni amcanion y prosiect.
Dylid gwneud unrhyw gais neu wrthwynebiad drwy ysgrifennu at Swyddog Diogelu Data FW:-
Diogelwch eich gwybodaeth
Bydd yr holl wybodaeth rydych yn ei rhannu'n cael ei storio ar ein gweinyddion diogel.
Yn anffodus, nid yw trosglwyddo gwybodaeth drwy'r rhyngrwyd yn gwbl ddiogel. Er y byddwn yn gwneud ein gorau i ddiogelu eich data personol, ni allwn warantu diogelwch eich data a drosglwyddir i'n safle; mae unrhyw drosglwyddiad ar eich risg eich hun. Unwaith y byddwn wedi derbyn eich gwybodaeth, byddwn yn defnyddio gweithdrefnau a nodweddion diogelwch llym i geisio atal mynediad heb awdurdod.
Newidiadau i'n polisi preifatrwydd
Bydd unrhyw newidiadau y byddwn yn eu gwneud i'n polisi preifatrwydd yn y dyfodol yn cael eu postio ar y dudalen hon a, lle bo'n briodol, byddwn yn rhoi gwybod i chi drwy e-bost. Cadwch olwg ar y dudalen hon i weld unrhyw ddiweddariadau neu newidiadau i'n polisi preifatrwydd.
Sut i wneud cwyn
Os ydych yn anhapus gyda’r ffordd y mae eich data personol wedi ei brosesu, gallwch gysylltu â Swyddog Diogelu Data FW yn gyntaf drwy ddefnyddio'r manylion cyswllt uchod.
Os ydych yn parhau i fod yn anhapus, mae gennych yr hawl i wneud cais yn uniongyrchol i'r Comisiynydd Gwybodaeth am benderfyniad. Gellir cysylltu â'r Comisiynydd Gwybodaeth yn:
Information Commissioner's Office, Wycliffe House, Water Lane, Wilmslow, Cheshire, SK9 5AF (ico.org.uk)
